ಮರಳ‌ ಮೇಲಿನ ಹೆಜ್ಜೆ

ಸೂರ್ಯಾಸ್ತದ ಸಮಯದಲ್ಲಿ,
ಕಡಲ ಕಿನಾರೆಯಲ್ಲಿ ,
ನೀ ಕೈ ಹಿಡಿದು ನಡೆದರೆ,
ಇಂಪಾಗಿ ನಲಿಯುವುದು
ಈ ಧರೆ..

ಅಲೆಗಳ ತಾಳದಲ್ಲಿ,
ನಗುವಿನ ಮೇಳದಲ್ಲಿ,
ನಮ್ಮಿಷ್ಟದ ಹಾಡುಗಳ ನೀ  ಗುನುಗಲು,
ಹೂಸ ಕನಸುಗಳು
ಬಂದು ನಿಲ್ಲುವವು
ತಾ ಮುಂದು ನಾ ಮುಂದೆಂದು....

ನೀ ಕೊಟ್ಟ ಸವಿನೆನಪುಗಳ,
ನಾ ಕೊಟ್ಟ ಸವಿಮುತ್ತುಗಳ,
ಮತ್ತೊಮ್ಮೆ ಮೆಲುಕು ಹಾಕುತ್ತಾ, 
ನೀ ನನ್ನ ನಗಿಸಲು,ನಾನ್ನೊಮ್ಮೆ ನಾಚಲು
ಆ ಸೂರ್ಯನು ನಿಲ್ಲುವನು
ಕ್ಷಣ ಕಾಲ ಕದ್ದುನೋಡಲು....

ಸಾಗುತಿರಲಿ ಈ ಪ್ರೀತಿ,
ದೂರ ತೀರದ ಪಯಣಕ್ಕೆ ,,
ನಿಮಗೇಕೆ ಈ ಲೋಕದ
ಗೊಡವೆ ಎಂದು ! ಕಿವಿಮಾತನೇಳಿವೆ,
ಮರಳಿನ ಮೇಲಿನ ಹೆಜ್ಜೆ ಗುರುತುಗಳು
ಬಾ ಗೆಳೆಯ ನಡೆವ, ಈ ಜಗವ ಮರೆವ....

           ದಿವ್ಯ ಭರತ್....